وزیراعظم نے ای ویزہ پالیسی کا افتتاح کردیا

اسلام آباد(اے ٹی ایم نیوز آن لائن) وزیراعظم عمران خان نے ای ویزہ پالیسی کا افتتاح کردیا، 5 ممالک کے شہریوں کو ای ویزہ کی سہولت میسر ہوگی.

تفصیلات کے مطابق اسلام آباد میں نئی ویزہ پالیسی کی افتتاحی تقریب سے خطاب کرتے ہوئے وزیر اعظم عمران خان کا کہاکہنا تھا کہ ان کا کہنا تھا کہ پہلے یہاں ایک مائنڈ سیٹ تھا جس کے تحت لوگوں کا باہر سے آنا مشکل تھا۔ ای ویزہ پالیسی کے تحت پہلے مرحلے میں 5ممالک کے شہریوں کو ای ویزا ملیں گے، ان ممالک میں برطانیہ، چین، ترکی، ملائیشیا اور یواےای کے شہریوں کو سہولت میسر ہوگی جبکہ پچپن ممالک کے شہریوں کو آن ارائیول ویزا جاری کیا جائے گا۔

اپنے خطاب میں وزیر اعظم کا کہنا تھا کہ معزز مہمانوں ،غیرملکی سفیر وں اور پوری ٹیم کو مبارکباددیتاہوں، آن لائن ویزا کا اجرا نئے پاکستان کی طرف پہلا قدم ہے ۔ایک مائنڈ سیٹ تھا پاکستان کا ویزا مشکل سے مشکل بنادیاجائے۔ انہوں نے پاکستان کے سنہرے ماضی کا ذکر کرتے ہوئے کہا کہ 60کی دہائی میں پاکستان میں خودانحصاری کی فضا تھی لیکن 70کی دہائی میں پاکستان میں پیسہ بنانے کو گناہ سمجھا جا نے لگا تھا۔

وزیراعظم کا کہناتھا کہ 60کی دہائی میں پاکستان کی انڈسڑیل پراڈکشن دیگر ممالک سے زیادہ تھی۔ اس کے بعدوہی ممالک انڈسٹریل پراڈکشن میں ہمیں پیچھےچھوڑگئے، سرمایہ کاروں کےلئے مائنڈ سیٹ تبدیل کرنا ہے کہ وہ یہاں آکر پیسہ بنائیں۔

برطانیہ سے آنے والے لوگ ہمارے سیاحتی مقام کو بہت پسند کرتے ہیں، ہمارے ناردرن ایریاز سوئٹزرلینڈ سے زیادہ ہیں۔ سیاحت پر ٹاسک فورس فرینڈلی ٹورازم کیلئے کام کرے گی۔ ان کا کہنا تھا کہ پشاور دنیا کا سب سے پرانا شہر ہے، مذہبی سیاحت کی اہمیت بہت زیادہ ہے۔ حکومت پاکستان میں مذہبی سیاحت کے فروغ کیلئے اقدامات کرے گی۔ ساتھ ہی ساتھ ٹاسک فورس پاکستان میں سیاحت کے نئے مواقع بھی دریافت کرے گی۔

ترکی میں 40ارب ڈالر،ملائیشیا میں22ارب ڈالرکی سیاحت ہوتی ہے۔پاکستان میں اسکیننگ کے مواقع سے دنیا ناواقف ہے،پاکستان میں ہنزہ ،دیر اور گلگت جیسےبہترین سیاحتی مقامات ہیں۔

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے