ملک کے مختلف علاقوں میں بارشوں سے موسم سرد، پہاڑوں پر برفباری جاری

لاہور (اے ٹی ایم نیوز آن لائن) پنجاب، خیبرپختونخوا اور بلوچستان کے مختلف اضلاع میں بارش کے بعد موسم مزید سرد ہوگیا جب کہ پہاڑوں پر برفباری کا سلسلہ جاری ہے۔

تفصیلات کیمطابق سوات کے میدانی علاقوں میں بارش جب کہ مالم جبہ اور کالام کے پہاڑوں پر برفباری کا سلسلہ جاری ہے، دیامر کے بالائی مقامات پر بھی وقفے وقفے سے برفباری ہورہی ہے۔

شمالی وزیرستان کے میدان علاقوں میں بارش اور پہاڑی علاقے شوال اور رزمک میں ہلکی برفباری ہوئی۔

ضلع نوشہرہ، صوابی اور ڈیرہ اسماعیل خان اور ملحقہ علاقوں میں رات سے بارش کا سلسلہ جاری ہے۔

سرگودھا میں ٹھنڈی ہواؤں کے ساتھ بارش ہوئی جس سے موسم خوشگوار ہوگیا، گوجرانوالہ، فیصل آباد، چنیوٹ، شکر گڑھ اور گرد و نواح میں بھی بارش کا سلسلہ جاری ہے۔

بلوچستان کے شہر چمن اور گرد و نواح میں وقفے وقفے سے بارش جب کہ کوژک ٹاپ پر برفباری کا سلسلہ بھی وقفے وقفے سے جاری ہے جس کے باعث کوئٹہ چمن شاہراہ پر آمد و رفت متاثر ہے۔

انتظامیہ نے کوژک ٹاپ سے برف ہٹانے کا کام جاری ہے جب کہ کان مہترزئی، زیارت اور توبہ اچکزئی میں بھی برفباری جاری ہے۔

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے